Ghazal: ZiNdagee meree mujh se kyuuN Khafaa ho ga'ii

****************************************
saaraa jahaaN mil gayaa mujhe, bas ik terii hi to kami rahiiN.. ey zaalim ! ab to bataa de mujh ko , judaa hone ki aaKhir wo kyaa wajH rahiiN
ke tujh se hi to din the mere KhuShnumaa... tujh se hi to thee meree har Shab rauShan.. merii har saaNsoN meiN tu samaayaa thaa..
tujh ko hi to dil ne mere apnaa banaayaa thaa... yaad kar tune hi to mujh ko jeenaa seeKhaayaa thaa
haaN !! mujh ko jeenaa seeKhayaa thaa..!

****************************************

ZiNdagee meree mujh se kyuuN Khafaa ho ga'ii
kyaa kahiiN mujh se ko'i baDii Khataa ho ga'ii

waj'H kyaa thee ke tu hum se be-wafaa ho ga'ii
saare baNdhan toD ke kyuuN judaa ho ga'ii

muskuraa le mere Ghum pe tu bhee ey sanam!
zaKhm dene ki ti'ree ye ik adaa ho ga'ii

kaise jee paauuNgaa tere binaa ab yahaaN
har KhuShii tujh se thii ziNdagee sazaa ho ga'ii

Khud hi ko bhoolaa baiThaa tha ti'ree chaah meiN
ziNdagee dheere se meree fanaa ho ga'ii

naa gilaa tujh se naa ko'ii Shikaayat mi'ree
waQt marham yaaroN ki duaa dawaa ho ga'ii

****************************************