Absaar meiN kai sapne sajaate haiN.......!

aankhoN meiN panapte haiN khwaab,

fir bhi wo aankhoN ko rulaate haiN..

*

Aagosh-e-tasavvur ke kai rang hai,

dil meiN wo ummideN jagaate haiN..

*

Aagosh-e-tasavvur :Imagination ,dreams

*

zulf-e-yaar meiN hum yuuN khoye,

absaar meiN kai sapne sajaate haiN..

*

absaar:eyes, zulf-e-yaar:Beloved's Hair

*

dil-e-dastaaN kuch aisi hai hamarii,

tasalliyoN se dil ko manaate haiN..

*

aisi chaahat ko hum kya kaheN,

Ahal-e-ishq khud ko azmaate haiN..

*

Ahal-e-ishq:People Who Love

*

lakh ahzaan ho chaahe is safar meiN,

Aab-e-chasm ko unse chhupate haiN..

*

Ahzaan : Sorrow ,Aab-e-chasm: tears

*

Maharam-e-dil hai wo meri jist meiN.

usko hi apna haal-e-dil sunaate haiN..

*

Maharam-e-dil :One Who is Close To The Heart